DIA 11 MÉRCORES. DEPORTES

Cartel contra a emigración de principios do XX. ¿A que se parece?

Pois hoxe, depois das clases habituais, a actividade da tarde era tranquila. Deportes nos predios do Castelo de Malahide. Alí hai unha das varias zonas deportivas do lugar.

Hai dúas escolas de navegación no interior da foz do río, unha zona de iates, dúsa de pistas de tenis, varias con campos verdes “multifuncionais” a a zona do castelo. Alí hai unha sociedade que xestiona pistas de tenis e campos de golf, e nos mesmos arredores, pistas de cricket, rugby, futbol, etc.

Desde a sociedade proporcionáronnos os materiais –paus e bolas de golf, raquetas e bolas de tenis, etc.- e desde o home do tempo, un día seco e axeitado. Pois alí, á unha e media, foron xogar e seica o deberon pasar ben porque todos probaron golf, tenis etc. O caso é que ata cerca das seis non acabaron. Mañá é outro día. Que siga seco.

Luís Valle Seoane

Anxelo Fernández Prieto

David Viso Vidal

Este tipo, A. Chester Beatty, é o millonario norteamerica de orixe irlandesa que lle dá nome ao museo que visitamos onte. Pola estatua e os cadros, diríase que é o noso... ¿quen? Por certo, se premen aquí verán un artigo que mandei o outro día ao Galicia Hoxe sobre algunhas sensacións de Irlanda.